உடல் நலம் காக்கும் உணவு விதிகள் (Dietary rules for good health)

இயற்கை வைத்தியத்தில் உணவுகள்,உணவு உண்ணும் போது கடிப்பிடிக்க வேண்டியவை என விதிகளாக  (Dietary rules for good health) விளக்கமாக கூறப்பட்டுள்ளது. அதாவது தாதுஉப்புகள் அதிகம் உள்ள இளங்கீரைகள், புதிதாய்ப் பறித்த இளங்காய்கறிகள், பழங்கள் போன்ற இயற்கை உணவு (Natural food) முதல் தரமான உணவுகளாகும்.

புரதப் பொருட்கள், மாவுப் பொருட்கள், சர்க்கரைப் பொருட்கள், கொழுப்புப் பொருட்கள் உள்ள தானியங்கள், பயிறுகள், கிழங்குகள், பருப்புகள் ஆகியவை இரண்டாம் தரமான உணவுகள்.

இந்த இரண்டையுமே நமது அன்றாட உணவில் சேர்த்துக்கொள்ள வேண்டியது அவசியம்.

சத்தான உணவைவிட ஜீரணிக்கும் உணவே உன்னத உணவு. நோயை உண்டாக்காமல் ஜீரணிக்கக்கூடிய உணவையே (Dietary rules for good health) உட்கொள்ள வேண்டும்.

பசிக்கு உணவை உண்டால் மட்டும் போதாது, ஆரோக்கியம் தரும் உணவுகளை தேர்ந்து உண்பதும் அவசியம். ஏனெனில் உடலில் சக்தி உற்பத்தியாவதற்கும் செல்கள் வளர்ச்சியடைவதற்கும் உடல் உறுப்புகள் ஆரோக்கியமாகச் செயல்படுவதற்கும் உணவே காரணமாகிறது.

உங்கள் உடலைப் பற்றி நீங்கள் நன்கு அறிந்திருத்தல் அவசியம். வெளியில் தெரியாத நோய்கள், பரம்பரை நோய்கள் பற்றி தெரிந்து வைத்திருத்தல் வேண்டும்.

இதன் மூலம் ஏதாவது நோய் இருந்தால் , நோயின் வகை, அதன் தன்மை, தீவிரம், தவிர்க்க வேண்டிய உணவுகள் ஆகியவற்றைத் தெரிந்துகொள்ள முடியும்.

  உணவே மருந்து. மருந்தே உணவு

உணவை மருந்தாக எப்படி சமைப்பது என்ற கேள்வி பலருக்கும் எழும். இந்த புத்தகத்தில் (food as medicine cookbook) அதற்கான விளக்கம் இருக்கிறது.

Check price

அதிகமான அல்லது குறைவான கலோரிகள் உடல் ஆரோக்கியத்தைக் கெடுக்கும்.

நமது அன்றாட வாழ்வில் நாம் செய்யும் வேலைகளைப் பொறுத்து நமது உடலுக்குத்  தேவையான கலோரிகள் பயன்படுத்தப்படும்.

பாலினம், வயது, உடல் எடை, பரம்பரை, செரிமானமாகும் நேரம், தினசரி செய்யும் வேலை ஆகியவற்றைப் பொறுத்து ஒவ்வொருவருக்கும் குறிப்பிட்ட கலோரிகள் தேவைப்படும்.

உடலில் உள்ள தேவையற்ற கொழுப்புகள் கரைந்தாலே. உடல் எடை வெகுவாகக் குறைந்துவிடும். கொழுப்புகளைக் குறைப்பதற்கு, சமையலில் அன்றாடம் பயன்படுத்தும் பூண்டு, வெங்காயம் ஆகியவற்றை உணவில் அதிகம் சேர்த்துக்கொள்வதால்,தேவையற்ற கொழுப்புகள் கரைநடு விடும்.

சீரக தண்ணீரைக் குடிக்கலாம். இது செரிமானத்தை சீற்படுத்துவதொடு. உடலில் உள்ள  கொழுப்பையும்  குறைகிறது.

நீர்க்காய்களான புடலங்காய், சுரைக்காய், பூசணிக்காய்,வெள்ளரிக்காய்  இவற்றை  அதிகம் சாப்பிடுவதால் தேவையற்ற வயிற்றுச்சதை குறைகிறது.

உணவு சாப்பிடும் முறை

பழங்கள், காய்கறிகள், கீரைகள், தேங்காய், முளைகட்டிய தானியங்கள், முளைகட்டிய பயறுகள் ஆகியவை உடலுக்கு ஏற்ற உணவுகள்.

தினமும் காலை உணவை அதிகமாக எடுத்துக்கொள்ள வேண்டும். ஒரு நாளுக்குத்  தேவையான முழு சக்தியையும் காலை உணவே அளிக்கிறது.காலை உணவைத் தவிர்க்கக் கூடாது.

இரவு மிகக்குறைந்த அளவே சாப்பிட வேண்டும்.

இரவு முடிந்தவரை இலகுவில்  ஜீரணிக்கக் கூடிய உணவுகளை  எடுத்துக்கொள்வது நல்லது. இதனால், சர்க்கரை அளவு கட்டுக்குள் இருக்கும்.

சாப்பாட்டும் போது இடையே தண்ணீர் குடிக்கக் கூடாது. இதனால், வயிற்றில் சுரக்கும் ஜீரண அமிலம் (hcl acid) ஐதாக்கப்படுவதால், வீரியம் குறையும். செரிமானம் தாமதப்படும்.

இரவு உணவை தூங்க போவதற்கு  2 ,3 மணிநேரத்துக்கு முன் சாப்பிட வேண்டும். அதாவது சாப்பிட்ட உணவுகள் சரியாக செரிமானம் ஆன பிறகு தூங்குவது சிறந்தது.