தானியங்களை முளை கட்ட எளிய முறை (Easy way to sprout grains)
எளிய வழியில் தானியங்களை முளைகட்ட வைத்து (Easy way to sprout grains) நீங்களும் பயன்படுத்தலாம்.தானியங்கள், பொதுவாகவே சத்துக்களைக் கொண்டவை என்றாலும் முளைகட்டிய தானியங்கள் உடலுக்கு இன்னும் அதிக நற்பயன்களை வழங்குகின்றது.
முளை கட்டிய தானியங்கள் அதிக சத்து நிறைந்தது.ஆரோக்கியத்திற்கு நல்லது.ஆனால் எப்படி முளைகட்ட வைப்பது?
இது பலருக்கும் இருக்கும் கேள்வி.
முளைக்க வைக்கப்பட்டு பயன்படுத்தும் அனைத்து பயறு வகைகளுமே சிறந்த புரதச்சத்து உடையதாக இருக்கிறது. இதன் காரணமாகவே பயறு வகையை நீரில் ஊற வைத்து, பின்பு முளைக்க வைத்து அதனை பச்சையாகவோ அல்லது வேக வைத்தோ சாப்பிட உணவு நிபுணர்களால் பரிந்துரைக்கப்படுகிறது.
இது குழந்தைகளுக்கும் பெரியவர்களுக்கும் உடலுக்கு மிகவும் அவசியமான ஒன்று. உடற்பயிற்சியில் ஈடுபடுபவர்களுக்கும் ஏற்ற உணவு.
இந்த எளிய முறையைப் பின்பற்றி பாருங்கள்.
அன்றாட உணவில் பயன்படுத்துகின்ற தானியங்கள் அல்லது பயறு வகைகளையே முளைகட்டச் (Easy way to sprout grains) செய்து பயன்படுத்தலாம். கொண்டைக் கடலை ,பாசிப்பயறு, தட்டைப்பயறு, கம்பு,கொள்ளு,உழுந்து, சோயா ஆகிய தானியங்களிலும் புரதச்சத்துக்கள் மிகுந்து காணப்படுகிறது.
அவித்து தாளித்து சுண்டலாக சாப்பிடலாம். அல்லது பச்சையாகவே சலாட்டுகளில் சேர்த்து சாப்பிடலாம். இது வீட்டிலேயே செய்யக்கூடிய எளிய ஆரோக்கியமான உணவு.
இந்த பயறு வகைகளை முளைகட்டி பயன்படுத்துவதன் மூலம் நல்ல பலனைப் பெறலாம்.
முளை கட்டிய தானிய வகைகளில் விற்றமின் சி மற்றும் விற்றமின் ஈ சத்தும், கூடுதலான நார்ச்சத்துக்களும் செறிவாகக் காணப்படுகிறது.
மேலும் புரதம், கார்போஹைட்ரேட், பீட்டா, கரோட்டின் போன்றவை அதிக அளவில் உள்ளன.
முளைகட்டிய தானியங்களால் கிடைக்கும் நன்மைகள்
முளை கட்டிய தானியங்களில் அதிக அளவு ஆன்ட்டி ஆக்ஸிடென்ட்டும், உடலுக்குத் தேவையான நோய் எதிர்ப்பு சக்தியும் கிடைக்கிறது.
உடல் உறுதி, சுறுசுறுப்பு, மனத்தெளிவு, புத்திக் கூர்மை, ஞாபக சக்தி அதிகரிப்பு, போன்ற நலன்கள் கிடைக்கும். மேலும் உடல் எடை கூடாமலும் பார்த்துக் கொள்ள முடியும்.
சருமத்திற்கு பளபளப்பு தருவதோடு தலைமுடி வளர்ச்சியையும் முளைகட்டிய தானியங்கள் ஊக்குவிக்கின்றன.
கொலஸ்ட்ராலை (Cholesterol) சமநிலைப்படுத்துகின்றது.
