தோள்பட்டை வலி போக்க பர்வதாசனம் (Parvatasana)

அமர்ந்த நிலை பர்வதாசனத்தின் பலன்கள்(Benefits of Seated Parvatasana)

• நுரையீரலை பலப்படுத்துகிறது.
• ஜீரண மண்டலத்தின் இயக்கத்தை செம்மையாக்குகிறது.
• இரத்த ஓட்டத்தை சீராக்குகிறது.
• முதுகுத் தசைகளை பலப்படுத்துகிறது.
• இடுப்புப் பகுதியை உறுதியாக்குகிறது.
• கால்களை பலப்படுத்துகிறது.
• மனதை ஒருநிலைப்படுத்த உதவுகிறது.
• மன அமைதியை உருவாக்குகிறது.
• வயிற்றில் மாந்தம், கிருமிகளால் ஏற்படும் தீமைகள் நீங்கும்.

செய்யும் முறை

• முதலில் பத்மாசனத்தில் அமரவும்.
• மூச்சை உள்ளிழுத்தவாறே கைகளை பக்கவாட்டில் உயர்த்தவும்.
• மெதுவாக மூச்சை வெளியேற்றியபடி கைகளை தலைக்கு மேல் உயரத் தூக்கவும்.
• கை முட்டியை வளைக்காமல் இரண்டு உள்ளங்கைகளையும் வணக்கம் சொல்லுவது போல் ஒன்றாக வைக்கவும். உங்கள் மேல் கைகள் காதுகளை ஒட்டியபடி இருக்க வேண்டும்.
• நேராக பார்க்கவும்.
• 20 வினாடிகள் இந்த நிலையில் இருந்த பின் கைகளை கீழே இறக்கவும்.
• பத்து அல்லது ஐந்து நொடி ஓய்வு எடுக்க வேண்டும்.
   
• மீண்டும் மூச்சை இழுத்து அடக்கி மார்பை புடைத்து கைகளை மேலே தூக்க வேண்டும். முடிந்த வரை இவ்வாறு செய்துகொண்டே இருக்கலாம்.
• இந்த ஆசனத்தை மூன்றிலிருந்து ஏழு நிமிடம் வரை செய்யலாம். கைகளை தூக்கி (தலைக்கு மேல்) நமஸ்கார முத்திரையும்(கைகள் கூப்பி)செய்யலாம்.
• முதுக்குத்தண்டு,கழுத்து, தலை, இரண்டு கைகள்(நடு இடைவெளி) சமமான நேர்கோட்டில் இருக்க வேண்டும்.
• மேற்சொன்ன அங்கங்களின் நாடி நரம்புகளை மனதாலும் மேல்நோக்கி அதிகமாக இழுக்க வைத்தால் அதிக பலன் கிடைக்கும்.
• இந்த ஆசனம் முடிந்தவுடன் சில நிமிஷங்கள் கண்கள் மூடி சவாசனம் செய்து ஓய்வு எடுக்க வேண்டும். அச்சமயம் அங்கங்களை தளர்வாக வைத்திருக்க வேண்டும்.

பத்மாசனத்தில் அமர முடியாதவர்கள் அர்த்த பத்மாசனம் அல்லது சுகாசனத்தில் அமர்ந்து இந்த ஆசனத்தை பயிலலாம். கைகளை நன்றாகத் தூக்க முடியாவிட்டால் முடிந்த வரை தூக்கிப் பழகவும்.

தீவிர முதுகுத்தண்டு கோளாறு, அதிக தோள் வலி உள்ளவர்கள் இந்த ஆசனத்தை பயில்வதை தவிர்க்கவும்.