இரும்புச்சத்து நிறைந்த கம்பு சிற்றுண்டிகள் (Pearl millet recipes)

கம்பு சத்து மாவு

தேவையானவை

கம்பு – 300 கிராம்
கோதுமை, ஜவ்வரிசி, உடைத்தகடலை தலா -100 கிராம்
வேர்கடலை வறுத்து தோல் நீக்கியது- 50 கிராம்
சுக்கு பொடி – 2டீஸ்பூன்

செய்முறை

முதல் நாள் இரவு கம்பை தண்ணீரில் ஊற விடவும். மறுநாள் நன்றாக சுத்தம் செய்து வடிகட்டி நிழலில் ஒரு துணியில் பரவி ஈரம் போக காய போடவும்.

காய்ந்ததும் கம்பை கொஞ்சம் கொஞ்சமாக கடாயில் போட்டு வறுத்து எடுக்கவும். முழுவதுமாக வறுத்த பின் அதே கடாயில் கோதுமை, ஜவ்வரிசி, உடைத்த கடலை தனித்தனியாக வறுத்து கொண்டு ஆறிய பின் எல்லாமாக சேர்த்து வேர்கடலையும் சேர்த்து மாவாக அரைத்து கொள்ளவும்.

அரைத்த மாவில் சுக்குபொடி கலந்து வைத்துக் கொள்ளவும்.  இந்த மாவில் கஞ்சி செய்து சிறுவர்கள் முதல் வயதானவர்கள்வரை குடித்தால் ஆரோக்கியம் சிறப்பாக இருக்கும்.

2 ஸ்பூன் மாவுடன் சிறிது வெல்லம் பொடித்து போட்டு நெய் சூடாக்கி மாவில் சேர்த்து பால் சிறிது சேர்த்து கலந்து 4-5 வயதான குழந்தைகள்,ஏன் எல்லோருமே சாப்பிடலாம். கம்பு மிகவும் குளிர்ச்சியும் கூட உடம்புக்கும் நல்லது.

  

கம்மங்கொழுக்கட்டை

தேவையானவை

கம்பு – 1/4 கிலோ
வெல்லம் – 200 கிராம்
துருவிய தேங்காய் – 1 மூடி
ஏலக்காய் – 4

செய்முறை

கம்பை மிக்ஸியில் போட்டு ஒரு ஓட்டு ஓட்டி, புடைத்தால், மேல் தோல் முழுதும் வந்து விடும்.பிறகு வெறும் வாணலியில் இட்டு, கம்பு சிவக்கும் வரை வறுக்கவும்.

வறுத்த கம்பை நைசாக அரைக்கவும்.வெல்லத்தை தூளாக்கி, 1 டம்ளர் தண்ணீரில் கரைத்து, வடிகட்டி, லேசாக கொதிக்க வைக்கவும்.

கம்பு மாவு, தேங்காய், பொடித்த ஏலக்காய் சேர்த்து கலக்கவும்.அதில் வெல்லப்பாகை ஊற்றி கிளறவும்.ஆறியபின், கொழுக்கட்டைகளாகப் பிடிக்கவும்.பிடித்த கொழுக்கட்டைகளை இட்லிப்பானையில் வைத்து ஆவியில் வேகவிட்டு எடுக்கவும்.

நல்ல வாசனையும், சுவையும் உள்ள, குழந்தைகளுக்கு மிகவும் பிடித்தமான சத்தான, கொழுக்கட்டைகள் தயார்.

கம்பு இனிப்பு அடை

தேவையானவை

கம்பரிசி – 1 கப்
கடலைப்பருப்பு – அரை கப்
வெல்லம் /கருப்பட்டி – அரை கப்
முந்திரி – 6
ஏலக்காய் பொடி – அரை டீஸ்பூன்
நெய் – 1 டீஸ்பூன்
தேங்காய் துருவியது – கால் கப்
எண்ணெய் – ஒரு டேபிள்ஸ்பூன்
உப்பு – 1 சிட்டிகை
வாழை இலை – 5

செய்முறை

மேல் மாவுக்கு…
கம்பரிசியை 3 மணி நேரம் ஊறவைத்து நைசாக அரைத்து எடுக்கவும்.வாணலியில் எண்ணெய் ஊற்றி, அரைத்த மாவையும் ஒரு சிட்டிகை உப்பையும் போட்டு கைவிடாமல் கெட்டியாகக் கிளறி எடுக்கவும்.

மாவு ஆறியதும் கையில் சிறிது எண்ணெய் தடவி கட்டியில்லாமல் மிருதுவாகப் பிசைந்து வைக்கவும்.

பூரணம் செய்ய

கடலைப் பருப்பை குக்கரில் ஒரு விசில் வேகவிட்டு எடுத்து ஆறவைக்கவும். ஆறியதும் மிக்ஸியில் போட்டு சேர்த்துக் கெட்டியாக அரைத்து எடுக்கவும்.

வாணலியில் நெய்விட்டு முந்திரியை வறுக்கவும். அதில் இந்த பூரணத்தை போட்டு சுருள கிளறவும்.

கிளறியதும் தேங்காய் துருவல், ஏலக்காய் பொடி சேர்த்துக் கிளறி ஆறவிடவும்.

வாழை இலையை லேசாக எண்ணெய் தடவி வெறும் தணலில் காட்டவும்.

அதில் கம்பு மாவை வைத்து தட்டி பூரணத்தை உள் வைத்து இலையை மூடி இட்லி பானையில் 15 நிமிடங்கள் வேகவிட்டு எடுக்கவும்.