அவித்த உணவு தரும் ஆரோக்கியம் (Streamed food)

உடல் எடையை குறைக்கவும், சரும அமைப்பை மேம்படுத்தவும், அமிலத்தன்மையை தடுக்கவும், சிறுநீரக கற்கள் ஏற்படாமல் தடுக்கவும், வயிறு வீக்கம் சரி செய்யவும், மற்றும் கூந்தல் வளர்ச்சிக்கும் உதவுகிறது.

ஒரு சிலருக்கு வேகவைத்த உணவுகளில் (Streamed food) சுவை குறைவு என்ற எண்ணம் இருக்கலாம். ஆனால் வேகவைத்த உணவுகளில் கூட மிகவும் ருசியாக சமைக்க முடியும்.

வேகவைத்து சமைக்கப்படும் உருளைக்கிழங்குடன் ஒப்பிடுகையில் , வறுத்து சமைக்கப்படும் உருளைக்கிழங்கில் அதிக அளவில் கொழுப்பு மற்றும் கலோரிகள் உள்ளன.

வேக வைத்த முட்டையில் மேலும் சுவையை கூட்ட அதனுடன் சிறிது மிளகு சேர்த்து உண்ணலாம்.

பச்சை பீன்ஸை வேகவைத்து உண்ணும் போது நமக்கு நார்ச்சத்து கிடைக்கிறது. இதில் சிறிது கரையக்கூடிய நார்ச்சத்துக்களும் அடங்குகிறது. இந்த கரைய கூடிய நார்சத்து கெட்ட கொழுப்பின் அளவை குறைக்க உதவுகிறது. இது ரத்த அழுத்தம் போன்ற பிரச்சனைகள் ஏற்படாமல் தடுத்து இதய ஆரோக்கியத்தை பாதுகாக்க உதவுகிறது.

பருப்புகளை வேக வைத்து உண்ணும் போது அது ரத்தத்தில் கொழுப்பின் அளவை குறைக்க உதவுகிறது. மேலும் இது ரத்த அழுத்தத்தைக் குறைத்து உடல் எடையை  சரியாக பேண உதவும் என்று ஆய்வுகள் கூறுகின்றன. வேகவைத்த பருப்புகளில் நிறைவுற்ற மற்றும் ட்ரான்ஸ் கொழுப்புகள் குறைவாகவும், கரையக்கூடிய நார்ச்சத்துக்கள் அதிகமாகவும் உள்ளன.

உணவும் ஊட்டச்சத்தும்

ஊட்டச்சத்து நிறைந்த உணவுகளை நாம் உணவில் சேர்த்துக் கொள்வது அவசியம். இந்த ஊட்டச்சத்துக்கள் சமைக்கும் போதும் பாதுகாக்கப்பட வேண்டும்.

ஆனால் சில சுகாதார நிபுணர்கள் வேகவைத்த உணவுகள் ஆரோக்கிய மற்றவை என்று கூறுவதை நீங்கள் கேட்டிருக்கலாம்.

பெரும்பாலான உணவுகள் அதிகமாக வேக வைக்கப்படும் பொழுது அதன் ஊட்டச்சத்துக்களை இழந்துவிடுகின்றன. எனவே சரியான முறையில் வேகவைத்த உணவு ஆரோக்கியமானதாக இருக்கும்.

வேக வைத்து உட்கொள்ளப்படும் சோளத்தில் பி விற்றமின்கள் அதிகமாக உள்ளன. இவை உடலுக்கு ஆரோக்கியமான விற்றமின்கள் ஆகும். நமது உடல் ஆரோக்கியத்திற்கு பி விற்றமின்கள் அத்தியாவசியமாகும். வேகவைத்த உட்கொள்ளப்படும் சோளத்தின் மூலம் நமக்கு துத்தநாகம், மக்னீசியம், தாமிரம், இரும்பு மற்றும் மாங்கனீசு போன்ற அத்தியாவசிய தாதுக்கள் கிடைக்கிறது.

ப்ரோக்கோலி குடும்பத்தை சார்ந்த அனைத்து காய்கறிகளையும் வேக வைத்து உட்கொள்வது ஆரோக்கியமானதாகும். ப்ராக்கோலியில் நார்ச்சத்து, விற்றமின் சி, விற்றமின் கே, இரும்பு மற்றும் பொட்டாசியம் உள்ளிட்ட பல ஊட்டச்சத்துக்கள் நிறைந்துள்ளன.

இறால் ,மீன்கள் போன்ற  கடல் உணவுகளையும் வேக வைத்து உண்ணலாம். எண்ணெயில் பொரிக்காமல் குழம்பு,பால்கறி ,மாங்காய்த் தீயல் செய்து சாப்பிடலாம். 

சூப் அல்லது சாலட்களை உணவில் அதிகம்  சேர்க்கலாம்.

நம் முன்னோர் அன்றாடம் சாப்பிட்ட உணவுகளை சாப்பிட்டாலே போதும். எந்தமருந்தும் தேவையில்லை. ஆரோக்கியம் தானாகவே வந்து விடும்.