தண்டனையாக ஏன் தோப்புக்கரணம் (Thoppukaranam )

 

தோப்புக்கரணம் ( Thoppukaranam ) போடுவது ஒரு காலத்தில் பள்ளிகளில் மிக சாதாரண விஷயம்.குழந்தைகள் ஏதேனும் தவறு செய்தாலோ அல்லது வீட்டுப்பாடம் எழுத தவறினாலோ ஆசிரியர்கள் குழந்தைளுக்கு தோப்புக்கரணம் தண்டனையாக கொடுத்தார்கள்.தேர்வு நேரத்தில் மாணவர்கள் பக்தி பரவசத்துடன் பிள்ளையார் முன்பு தோப்புக்கரணம் போடுவார்கள்.ஆனால் இன்று இந்தப் பழக்கம் குறைந்து கொண்டே வருகிறது.பிள்ளையார் முன்பு நின்று தோப்பு கரணம் போடுபவர்கள் கூட முழுமையாக  சரியாக தோப்பு கரணம் போடுவது இல்லை.தோப்புக்கரணம் போடுவதால் ஏற்படும் நன்மைகள் தெரிந்து கொண்டு செய்தால் முழுப்பலனையும் அடைய முடியும்.

தோப்புக்கரணம் எப்படி செய்தல் வேண்டும்?

• முதலில் நம்முடைய தோள்பட்டை அளவுக்குக் கால்களை பிரித்துவைத்து நிற்க வேண்டும்.
• இடது கையால் வலது காது மடலையும்,வலது கையால் இடது காது மடலையும் பிடிக்க வேண்டும்.
• கட்டைவிரல் வெளியேயும் ஆள்காட்டி விரல் உட்பக்கம் இருக்க வேண்டும்.
• வலது கை கண்டிப்பாக இடது கையின் மேல் இருக்க வேண்டும்.
• தலையை நேராக வைத்து மூச்சுக் காற்றை உள்ளிழுக்க வேண்டும்.

இந்த தோப்புகரணம் போடும்போது வலது கை, இடது காதின் கீழ் பகுதியையும் இடது கை வலது காதின் கீழ் பகுதியையும் சற்று இறுக்கமாக அழுத்தி பிடித்து முழுமையாக உட்கார்ந்து எழ வேண்டும். சுமார் 10 நெடிகள் உட்கார்து பின் எழ வேண்டும்.

பின்பு மூச்சுக் காற்றை வெளியிட்டவாறே அப்படியே எழுந்து நிற்கவேண்டும்.

இதன் மூலம் நமது தண்டுவடத்தின் மூலாதாரத்தில் சக்தி உருவாகும்.

முதல் முறையாக செய்பவர்கள் எந்த அளவு சிரமம் இல்லாமல் உட்கார முடியுமோ அந்த அளவு உட்கார்ந்தால்  போதும்.ஆரம்பத்தில் 5 வரை செய்து, பிறகு அதிக படுத்தி கொள்ளலாம்.

தோப்புக்கரணம் செய்வதனால் கிடைக்கும்  நன்மைகள்

இந்த எளிய உடற்பயிற்சியின் மூலம் மூளையின் நியூரான் செல்கள் புத்துணர்சி அடைகின்றன.

குழந்தையின் மூளையிலுள்ள நரம்பு மண்டலத்தில் ஏற்படும் வளர்ச்சிக் குறைபாடு ஆட்டிசம் எனப்படுகின்றது. ஆட்டிசத்தை  சரி செய்ய இது மிகவும் உதவுகின்றது.ஏனைய மன இறுக்கம் சம்மந்த பட்ட நோய்கள் கூட தோப்புகரணம் போடுவதால் குணமடைவதாக கண்டுபிடிக்கப் பட்டுள்ளது.

இப்பயிற்சியை தினமும் ஐந்து நிமிடம் செய்தால் வியக்கத்தக்க மாற்றங்களை காணலாம் என்று ஆராய்ச்சியாளர் கூறுகின்றனர்.

மந்தமான மனநிலையுள்ள மாணவர்களின் மூளை செயல்திறன், அவர்கள் காது நுனிகளில் தொடுதல் மூலமான பயிற்சிகளினால், மூளை நினைவு செல்களின் வளர்ச்சி தூண்டப்பட்டு, நினைவாற்றல் சக்தி, ஞாபக சக்தி, அதிகரிப்பது மட்டுமல்லாது அறிவு கூர்மையையும் வெளிபடுத்துகிறது.

தொடர்ச்சியாக செய்யச்செய்ய, மூளை, சுறுசுறுப்படைகிறது.விழிப்படைந்த நினைவு செல்களின் ஆற்றலால், மாணவர்களின் நினைவாற்றல் மேலோங்கிறது,

இதற்காகத்தான் மந்தபுத்தியுள்ள பிள்ளைகளை , அறிவாற்றல் மிக்கவர்களாக ஆக்குவதற்காகவே, தோப்புக்கரணம் ( Thoppukaranam ) தண்டனையாக பாடசாலைகளிலும்  வீடுகளிலும்  தரப்பட்டது.